ترجمہ

قرآن مجید عربی میں نازل ہوا ہے اور اپنے اثر و رسوخ کے ساتھ قائم دائم ہے اور قیامت تک رہے گا۔
ہم قرآن مجید کا ترجمہ تو کر سکتے ہیں مگر اس ترجمہ کو قرآن مجید کا درجہ نہیں دے سکتے تمام مفکرین اسلام نے اپنی سمجھ کے مطابق ترجمہ کیا اور امت کی رہنمائی کی ہے
انسان خطاکار ہے قدم قدم پر غلطی کرتا ہے لہذا کوئی بھی مسئلہ درپیش آئے تو قرآن مجید کو عربی میں سمجھنے کی کوشش کیجئے جس زبان میں اللہ تعالیٰ نے انسان سے بات کی ہے اس پر غور کیجئیے قرآن کو سمجھنے کے لیے کسی دنیاوی کتب کا سہارا مت لیجئیے
ذَٰلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ۔ سورہ البقرہ آیت 2

معیار

ہمیشہ اپنا معیار اس کتاب کو بنایا جائے جس میں کوئی شک و شباہت کوئی کجی کوئی کمی کوتاہی کی گنجائش موجود نہ ہو ۔
جھوٹ کو جھوٹ ثابت کرنے کے لیے جھوٹ کا سہارا لینا کہاں کی عقلمندی ہو گی۔
انسان کے معیار کا یہاں سے ہی پتا چلتا ہے کہ اس نے اپنی دین و دنیا کے مسائل حل کرنے کے لیے اپنا معیار کیا چنا ہے۔
کیا آپ اس تالاب سے پانی پینا پسند کریں گے جو ایک صاف شفاف چشمہ سے نکلتا ہے اور پہاڑوں دریاوں اور نہروں سے بہتا ہوا گزرتا ہے اور اس تالاب میں جمع ہوتا ہے جس میں متعدد قسم کی غلاظت پائی جاتی ہو۔
ہرگز نہیں
تو دوستوں آج سے اپنا معیار اس کتاب کو بنائیں جس میں
کوئی شک نہیں
جس میں کوئی گنجائش نہیں
جس میں کوئی جھوٹ نہیں
جس میں کوئی ملاوٹ نہیں
جو خالصتان اللَّهِ رب العالمین کا کلام ہے اور نبی کریم ﷺ کی زبان مبارک سے ادا ہوا، سب سے بڑی بات اس کی ذمہ داری اللہ رب العزت نے قیامت تک کے لیے اپنے ذمہ لے رکھی ہے